三二一紅綠燈

時常遊走於舊區的小混混，沒理由不知道上哪去找間與麥記差不多甚至平過但品味又顯得特別的餐廳。
So，一生只想尋找一個肯挨麥記的女人的作者、導演、演員，或者讀完原著看完短片有丁點同感的你我他，其實可以收皮。
就在看完這幾分鐘短片的24小時後，我推開中央飯店的大門。
來之前其實想打退堂鼓，因為有點雨。
「點解好搵唔搵，要搵呢度？麥記都好過佢！起碼光猛乾淨先吖！」
落雨思濕叫位撐住斗零高踭的美人和我來這裡，的確有點兒那個，雖然我再三強調，呢度同我有幾分相似！
「邊忽似？傳菜阿姐定收銀位阿伯？定係得個大婆台雞汁撈飯既電視呀？！」
唔，我就知道你會咁問！係絕對絕對唔會令你失望似呀！
「唔係見你咁恨食，我真係寧願行過一條街食麥記算數！」
Fine fine！
為了盡快安撫美人的焦燥，我極速拍板叫了「東江鹽焗雞」，「梅菜扣肉」，「菠蘿咕嚕肉」。
味味都好佬，無他！
「又係因為似你吖嘛！」

你真係好似呢碟「咕嚕肉」呀sweetheart。
有前有後，該瘦的，絕不會有多一分肥肉，新鮮嫩口，食落卜卜脆，Sweet得嚟，又有啲酸酸地辣辣地，咀落啖啖肉，仲唔會成口粉！

「如果你話我似碟雞我即刻翻檯！」
嘿嘿。Sweetheart！你睇下！皮薄餡靚，油水充足，同你一樣連脾位皮膚都滑滑溜！始終女人都係肥返啲好！

「肥到似碟梅菜扣肉夠未！」
嘩，你嗒真啲件扣肉，肥而不腻，瘦不癡牙，啲梅菜鹹不過份，甜而適中。扣肉梅菜，主閒分明，互不搶鏡，係咪似足你咁知情識趣先！
「哼！俾你過到骨。」
你肯同我嚟呢度，俾足面我啦！所以我成日話，追求你，是我一生人最正確的決定。
「味味都咁好，咁你覺得邊味最好？」
女人！真係好中意叫人做MC題。
「好難答咩？又唔係叫你係Angela同baby之間揀老婆！」
冇錯，係Angela同baby之間揀老婆，一啲都唔難，因為我揀你嘛！可惜，事實告訴我，原來三揀二，都唔係件易事，仲三揀一？結果只會係M姐同雞汁咁咋喎。
「即係點？」
哈哈哈哈！
「你真係唔好激嬲我囉！」
Well，我係講緊，面前三碟靚餸啫！

風再起時

很久很久，沒有寫網誌。
前塵往事，讓它隨舊有的，消失。
秋天轉涼，絕對是搵食進補的好時節！
星期六晚上，與舊友夫婦，到訪大圍的楓林小館。
秋天，楓林，有那麼一點意思，雖然香港其實沒有紅葉。
朋友先生問：為什麼要特意前來？
我答：當年我們讀中大的時候，錯過了雍雅山房，一直引以為憾。
朋友接：還有呢？
我說：這家楓林小館是雍雅山房的老闆開的另一家店。
朋友再下一城：重點是………？
我笑了：它就快執！
是的，楓林小館老闆年事已高，子女不欲接手，近月傳出賣舖不賣招牌，簡單說，就是執笠。
五點半，推開舊式的玻璃門，上下兩層八千呎的空間，疏疏落落地坐著兩三桌我們般的食客。
「有冇訂檯？」有點年紀的侍應伯伯問，不算有禮，但聽得舒服。
「沒有……就坐呢度啦！」放下毛巾，再拋下一本畫上楓葉的菜牌，「咩茶？」
三個人，點了三個菜，紅燒乳鴿是必試的，再來半隻荔芋香酥鴨，一個煎封釀豆腐，兩碗白飯。

燒乳鴿，一隻破開四邊，老實說，要是一個人獨享，免斬最正！
這兒的乳鴿，渾身燒得通紅，沒有一處不到位，論賣相是完勝。
另外，紅燒過後仍可以滴下肉汁，說明沒有燒得過乾，醃得也相當入味。
朋友彈：肉有些韌。

荔芋香酥鴨，上面厚厚一層荔芋，喜芋泥者必定吃得過癮，因為表面炸得酥化，再加上薄切鴨肉襯底，鹹香有致，半隻佐飯剛好，多來則滯。

煎封釀豆腐，上面一隻點綴之用的蝦，不提也罷，但豆腐在煎封之後，竟然溏心，澆兩勺豉油，已好味了。
朋友好事，眼望四周，得出結論，幾乎每檯都以乳鴿、芋鴨、豆腐做膽，再單拖其他幾味，惜我們人少。
乳鴿、芋鴨、豆腐，加半碗白飯下肚，飽了九成，但老式飯館，還會奉上糖水。
不外乎紅綠豆沙的簡單貨式，後生也不會吃，可是到這兒來，懷舊才是主要。
舊時的飯館，總有這碗「甜頭」，守住讓你付錢也心甘的尾門。
侍應老伯雖不算殷勤，但久不久會來關顧，或換碟，或加水，然後再送多句：「努力食，後生仔女實食得晒！」
八十多歲的老閣前後左右踱步，精力甚足。
埋單，五百多元，不便宜，惟氣氛搭救。
走時，幾乎沒有一席空檯，食客八成上了些年紀，感覺在這些地方，我們這些中坑，算是後生，單憑這點，就想再來。
只是，下一次，風再起時，或者它已不在。